Karotid (Yuxu) Arteriyalarının stenozu: profilaktika, diaqnostika, müalicə və proqnoz

Hissə 1. Karotid (Yuxu) Arteriyaların xəstəliyi: profilaktik tədbirlər. 

Diabeti olan xəstələrdə karotid arteriyaları xəstəliyinin inkişafını ləngitmək üçün sağlam həyat tərzinə riayət etmək və Arteriyal Qan Təzyiqinin intesiv kontrol etmək xüsusi əhəmiyyət kəsb edir. 

• Diabeti olan xəstələrdə aşağıdakılar vasitəsilə riskin azaldılmasına nail olma olar: 
• Kalori qəbulunun modifikasiyası
• Mütamadi idman və ya fiziki hərəkət 
• Bədənin çəkisinin azaldılması
• Aerobik idman və duzun qəbulunun məhdudlaşdırılması yolu ilə Sistolik AQT-nin  aşağı salınması

Hipertenziyası olan xəstələrdə Arteriyal QT-nin normallaşdırılmasına nail olma çox vacibdir. 

• Karotid arteriyaların xəstəliyi olan insanlarda Yüksək qan təzyiqinin kontrol edilməsi üçün diuretiklər və β-blokatorların əvəzinə daha üstün olan Kalsium-kanallarının blokatolarl, Anqiotenzini çevirən fermentin inhibitorları və ya Anqiotenzin İİ reseptorların blokatorları istifadə edilməlidir. 
• Nəzərdən saxlamaq lazımdır ki, Kalsium kanallarının blokatorları karotid arteriyasının intimal qalınlığının azaldılmasına daha çox təsirə malikdir. 

Dislipidemiyası və ya hiperxolesterolemiyası olan xəstələrdə xolesterolun kontrol edilməsi. 

• Həyat tərzinin dəyişdirilməsi və müvafiq dərman preparatlarının istifadəsi ilə LDL xolesterolun səviyyəsi kontrol edilməlidir. 

Siqaretin tərgidilməsi stimullaşdırılmalıdır. 

• Karotid arteriyaların xəstəliyi olan şəxslər siqaret çəkməkdən çəkindirilməli və onlarda nikotin-əvəzləyici terapiya və digər vasitələrin istifadəsilə siqaretin tərgidilməsi stimullaşdırılmalıdır.