Ürək xəstəliyindən əziyyət çəkən xəstələrin müalicəsi üçün Əsas Hədəf olan risk fatorlar

Amerika Kardioloqlar Assosiasiyası Koronar Ürək Xəstəliyi üzrə əsas faktorları və onların aradan qaldırılması üçün tələb olunan addımları yeniləyib: 

Arteriyal Qan Təzyiqin nəzarətdə saxlanması. AQT 140/90 mm cs yuxarı olan bütün xəstələrə təzyiqi aşağı salmaq üçün 2 anti-hipertenziv dərmanlar verilməlidir. 

Xolesterola nəzarət. LDL-in səviyyəsini idman və diyetanın modifikasiyası vasitəsilə aşağı salınmasına nail ola bilməyən xəstələrə Statin preparatı verilməlidir ki, LDL Xolesterolun səviyyəsi <100 mq/dL aşağı olsun.

Simptomların və fiziki gərginlik/hərəkətliliyin qiymətləndirilməsi. Fiziki gərginlik zamanı xəstələrdə ürək - stenokardiya - ağrılarının olub olmamasını nəzarətdə saxlamaq.

Siqarət istifadəsi, monitorinq, tərgitmə və müdaxilə. Siqarəti tərgitmək üçün xəstələrə məsləhət vermək və yardım etmək.

Anti-trombositar terapiya. Aspirin və ya Klopidroqel xəstələrə verilməlidir.

Beta-blokator terapiyası. Əvvəl miokardın infarktını keçirmiş və ya Sol Mədəciyin Vurma Fraksiyası (EF%) <40% olan bütün xəstələrə beta blokatorlar yazılmalıdır. 

ACE inhibitorlar/ARB terapiyası. Diabeti olan və ya Sol Mədəciyin Vurma Fraksiyası (EF%) <40% olan bütün xəstələrə Anqiotenzin fermentinin İnhibitorları və ya Anqiotenzin Reseptorları Blokatorları yazılmalıdır. 

Ürək xəstələrinin fiziki reabilitasiyasına göndəriş. Kəskin Mİ, aorto-koronar şuntlama əməliyyatı, stentləşmə, ürək klapanları üzərində cərrahiyə və ya ürək transplantasiyası keçirmiş bütün xəstələr erkən fiziki terapiyaya göndəriş almalıdır. 

Yeni təlimata görə, ürək xəstələrində hədəf AQT <140/90 mm cs olmalıdır və bu hədəfə çatmayan bütün xəstələrə 2 anti-hipertenziv dərman verilməlidir.