Tez-tez rast gəlinən sindromlar.

Tez-tez rast gəlinən sindromlar. 

1. Malori-Veys sindromu: Qusma və ya qusmaya çağırış nəticəsində mədənin selikli qişasında (qastro-ezofaqal birləşmə hissəsində) yarıq.

2. Mendelson sindromu: Mədə möhtəviyyatının aspirasiyası nəticəsində kimyəvi pnevmonit.

3. Mirizzi sindromu: Öd kisəsi və ya öd kisəsi axarında olan daş tərəfindən ümumi qara ciyər axarının xarici obstruksiyası.

4. Oqilviye sindromu: Obstruksiyasız yoğun bağırsağın dilatasiyası. Burada mexaniki obstruksiya olmadan ağır cərrahi xəstələrdə kor bağırsaq və ya yoğun bağırsaq diggər hissəsinin genişlənməsi baş verir. Səbəb kimi yoğun bağırsağın veqetativ sinir sistemi tərəfindən motorikasının innervasiyasında pozuntular guman edilir.

5. Rendu-veber-osler sindromu: Mədə-bağırsaq sistemində teleanqiektaziyalar və Arteri-venoz malformasiyalar.

6. "Kiçik bağırsaq" sindromu: <200 sm-dən az qalmış nəzik bağırsaq nəticəsində yaranan malnutrisiya (pis bəslənmə).

7. Yuxarı boş vena sindromu: Yuxarı boş venanın obstruksiyası (adətən şiş, tromboz və s. nəticəsində).

8. Tyetz sindromu: Qabırğa qığırdağının kostoxondriti (qeyri-steroid iltihab əleyhinə preparatlarla müalicə edilir).